Sit web uffiċjali (Link)
Fejn għandek tivvota u kif?
Metodu ewlieni
Il-votanti fil-Ġermanja jiġu rreġistrati awtomatikament mill- awtoritajiet u normalment iridu jivvutaw f’post tal-votazzjoni speċifiku abbażi tal-indirizz tad-dar tagħhom. Il- post tal-votazzjoni huwa indikat fuq in- notifika tal-votant.
Metodi alternattivi.
Il-votanti jistgħu japplikaw għal karta tal-vot sabiex ikunu jistgħu jivvutaw bil-posta jew imorru f’post tal-votazzjoni ieħor tad- distrett amministrattiv jew tal-belt tagħhom (pereżempju, fil-każ li l-post tal-votazzjoni allokat tagħhom ma jkunx aċċessibbli).
Mhuwiex possibbli li tivvota online. Mhuwiex possibbli li tivvota bi prokura.
Rekwiżiti tal-jum tal-votazzjoni
Il- votanti jistgħu jagħtu prova li huma intitolati li jivvutaw f’post tal- votazzjoni speċifiku billi jippreżentaw in-notifika tal-votant tagħhom. Madankollu l-votanti għandhom iġorru wkoll il-karta tal-identità jew il- passaport tagħhom u jkunu ppreparati jagħtu prova tal-identità tagħhom jekk jintalbu jagħmlu dan.
Min jista’ jivvota?
Ġenerali.
L-individwi jridu jissodisfaw ir-rekwiżiti li ġejjin biex jivvutaw fl-elezzjonijiet tal-PE fil-Ġermanja:
ikollhom ċittadinanza Ġermaniża jew ikunu ċittadini ta’ Stat Membru ieħor tal-UE;
ikollhom mill-inqas 16-il sena fil-ġurnata tal-elezzjoni;
ma jkunux esklużi mid-dritt tal-vot;
jissodisfaw ir-rekwiżiti ta’ residenza, il-kundizzjonijiet biex ikunu eliġibbli għall-vot, u jkunu rreġistrati biex jivvutaw fil- muniċipalità tagħhom.
Ċittadini mobbli tal-UE
Iċ-ċittadini tal-UE jridu jkunu ilhom jgħixu għal aktar minn tliet xhur fil-Ġermanja jew f’pajjiż ieħor tal- UE.
Rekwiżiti għar-reġistrazzjoni
Ċittadini nazzjonali. Il-Ġermaniżi li għandhom ir-residenza primarja tagħhom fil-Ġermanja jiġu rreġistrati awtomatikament fir-reġistru tal-votanti.
Il-Ġermaniżi li jgħixu barra mill-pajjiż ma jiddaħħlux awtomatikament fir-reġistru tal-votanti. Jekk jixtiequ jipparteċipaw fl-elezzjonijiet Ewropej, dawn iridu jissottomettu applikazzjoni formali biex jidħlu fir-reġistru tal- votanti mill-inqas 21 jum qabel il-jum tal-elezzjoni.
Ċittadini mobbli tal-UE. Iċ-ċittadini tal-UE li se jivvutaw f’elezzjoni Ewropea għall-ewwel darba fil-Ġermanja jridu japplikaw biex jiddaħħlu fir-reġistru elettorali. L- applikazzjoni tagħhom trid tiġi ppreżentata lill-awtorità lokali tal-post ta’ residenza Ġermaniż tagħhom mill-inqas 21 jum qabel il-jum tal-elezzjoni. Bħala parti mill-applikazzjoni, iċ-ċittadini tal-UE jridu jippreżentaw dikjarazzjoni bil- miktub biex jikkonfermaw li mhumiex se jivvutaw fl-Istat Membru ta’ oriġini tagħhom.
Iċ-ċittadini tal-UE li jixtiequ jaħtru membri tal-PE mill-pajjiż ta’ oriġini tagħhom iżda li huma elenkati f’reġistru tal-votanti fil-Ġermanja, iridu jippreżentaw talba bil-miktub lill-awtorità muniċipali kompetenti biex jitneħħew mir-reġistru tal-votanti mill-inqas 21 jum qabel jum l-elezzjoni. Peress li t-tneħħija mir-reġistru se tkun permanenti, iċ-ċittadini tal-Unjoni jkollhom japplikaw biex jerġgħu jiġu rreġistrati jekk ikunu jixtiequ jivvutaw fil-Ġermanja fi kwalunkwe elezzjoni Ewropea futura.
Esklużjonijiet
Iċ-ċittadini Ġermaniżi u ċ-ċittadini tal-UE jistgħu jitilfu d-dritt tagħhom li jivvutaw fil-Ġermanja jekk ikunu ġew imċaħħda mid- dritt tal-vot b’deċiżjoni tal-qorti.
