il-Greċja

Sit web uffiċjali (Link)

Fejn għandek tivvota u kif?

Metodu ewlieni

Il-votanti fil-Greċja jridu jivvutaw fiżikament f’post tal- votazzjoni speċifiku abbażi tal-indirizz tad-dar tagħhom.

Il-votanti jistgħu jfittxu l-post tal- votazzjoni li fih iridu jivvutaw billi jikkonsultaw id-deċiżjoni ppubblikata mill-Viċi Kap tar-Reġjun rispettiv mill- inqas 15-il jum wara l-bidu tal-perjodu ta’ qabel l-elezzjoni, li tintbagħat lill- Muniċipalitajiet fil-Prefettura. L- informazzjoni dwar il-postijiet tal- votazzjoni allokati tiġi ppubblikata wkoll online fuq is-sit web tal-Ministeru għall-Intern (www.ypes.gr/ ma hemm l-ebdainformazzjonidisponibbli bħalissa).

Metodi alternattivi.

Fl-aħħarta’Novembru2023ġie introdott abbozz ta’ liġi li se jippermetti l-votazzjonibil-posta (https://www.ypes.gr/i-kathierosi- tis-epistolikis-psifou-vathainei-ti- dimokratia/). Jekk jiġi adottat, il- votanti se jkunu jistgħu jagħżlu jekk jeżerċitawx id-dritt tagħhom li jivvutaw bil-posta minflok ma jattendu l-post tal- votazzjoni allokat lilhom. Dan se jirrikjedi li ssir applikazzjoni online mill-inqas 40 jum qabel jum l-elezzjoni. Qed jinħoloq portal elettroniku ddedikat għar-reġistrazzjoni tal-votanti li se jivvutaw bil-posta.

Mhuwiex possibbli li tivvota online. Mhuwiex possibbli li tivvota bi prokura.

Rekwiżiti tal-jum tal-votazzjoni

Rekwiżiti tal-jum tal-votazzjoni.

Ċittadini nazzjonali. Sabiex jiġu identifikati, il-votanti Griegi jridu jippreżentawformata’ identifikazzjoni, jiġifieri l-karta tal-identità tagħhom, ċertifikat temporanjutal-awtorità kompetenti, il-passaport tagħhom, il-liċenzja tas-sewqan tagħhom jew il-ktejjeb personali tas-saħħa tagħhom maħruġ minn xi fond ta’ assigurazzjoni. Il-karti tal-identità skaduti huma aċċettabbli wkoll.

Ċittadini mobbli tal-UE. Iċ- ċittadini mobbli tal-UE jistgħu jidentifikaw lilhom infushom billi jippreżentaw dokument tal-identità validu (passaport jew karta tal- identità nazzjonali).

Min jista’ jivvota?

Ġenerali.

Ġenerali. L-individwi jridu jissodisfaw ir-rekwiżiti li ġejjin biex jivvutaw fl-elezzjonijiet tal-PE fil-Greċja:

ikunu ċittadini Griegi jew ċittadini ta’ Stat Membru ieħor tal- UE;

ikollhom mill-inqas 17-il sena fid-data tal-elezzjoni; u

ma jkunux esklużi mid-dritt tal-vot.

Ċittadini mobbli tal-UE

Ċittadini mobbli tal-UE. Iċ-ċittadini tal-UE jridu jkunu residenti fil-Greċja sabiex jivvutaw hemm.

Rekwiżiti għar-reġistrazzjoni

Ċittadini nazzjonali. Iċ-ċittadini Griegi li jirrisjedu fil-Greċja huma rreġistrati awtomatikament biex jivvutaw mill- awtoritajiet. Madankollu, jekk ikunu bidlu l-indirizz tad-dar tagħhom reċentement, huma għandhom jikkonfermaw jekk ir- reġistrazzjoni tagħhom fil-lista tal-votazzjoni hijiex korretta.

Iċ-ċittadini Griegi li jirrisjedu fi Stat Membru ieħor tal-UE u Griegi li jkunu temporanjament fi Stat Membru ieħor fil-jum tal-elezzjoni huma intitolati li jipparteċipaw fil-proċess tal- elezzjoni għall-Griegi barra mill-pajjiż. Huwa obbligatorju li tirreġistra minn qabel fl-ambaxxata jew il-konsulat lokali Grieg sal-iskadenza speċifika li titħabbar għal dan l-għan. Il- votazzjoni barra mill-pajjiż normalment issir ġurnata qabel il- jum tal-elezzjoni fil-Greċja.

Ċittadini mobbli tal-UE. Iċ-ċittadini tal-UE jridu jirreġistraw minn qabel sabiex jiġu inklużi fil-lista speċjali ta’ votanti li jistabbilixxu l-muniċipalitajiet Griegi. Biex jirreġistraw fir- reġistri elettorali speċjali, iċ-ċittadini tal-UE jridu jippreżentaw ruħhom quddiem l-awtorità muniċipali tal-post ta’ residenza tagħhom b’dokument tal-identità validu (passaport jew karta tal-identità) u jimlew formola ta’ applikazzjoni. Bħala parti mill-applikazzjoni, iċ-ċittadini tal- UE jridu jippreżentaw dikjarazzjoni bil-miktub biex jikkonfermaw li mhumiex se jivvutaw fl-Istat Membru ta’ oriġini tagħhom.

Esklużjonijiet

Iċ-ċittadini Griegi li ġew imċaħħda mid-drittijiet tal-vot tagħhom u ċittadini mobbli tal-UE li ġew imċaħħda mid- drittijiet tal-vot tagħhom fil-Greċja jew fl-Istat Membru ta’ oriġini tagħhom ma jistgħux jivvutaw fl-elezzjonijiet tal-PE fil-Greċja. Skont il-liġi Griega, il-persuni jistgħu jiġu esklużi mid-dritt tal-vot skont id-dispożizzjonijiet tal-Kodiċi Ċivili Elleniku meta jiġu mċaħħda mid-dritt tagħhom li jeżerċitaw id-drittijiet ċivili tagħhom waħedhom jew b’deċiżjoni tal-qorti li timponi sentenza kriminali finali meta jinstabu ħatja ta’ wieħed mir-reati msemmija fil-Kodiċi Penali u Militari Penali.