Kroazja

Sit web uffiċjali (Link)

Fejn għandek tivvota u kif?

Metodu ewlieni

Il-votanti fil-Kroazja għandhom jivvutaw huma stess f’post ta’ votazzjoni speċifiku bbażat fuq l-indirizz tad-dar tagħhom. Biex issib l-eqreb kabina tal-votazzjoni, iċċekkja din il-websajt https://biraci.gov.hr/RegistarBiraca/ wara li jkunu tħabbru uffiċjalment l-elezzjonijiet. Mhuwiex possibbli li wieħed jivvota bil-posta, bi prokura u onlajn.

Metodi alternattivi

Jekk votant ma jkunx jista’ jivvota dakinhar tal-elezzjoni, huwa possibbli li jivvota f’post ieħor tal-votazzjoni fil-Kroazja jew barra mill-pajjiż sakemm applikazzjoni għal dan tkun ġiet ippreżentata fl-uffiċċju tal-amministrazzjoni tal-istat mill-inqas 10 ijiem qabel il-jum tal-elezzjoni.

Membri tal-forzi armati jew dawk f’missjonijiet u operazzjonijiet ta’ paċi, votanti li huma membri tal-ekwipaġġ fuq bastimenti tal-baħar u tax-xmajjar li jtajru l-bandiera Kroata, fuq bċejjeċ tal-baħar fl-ilmijiet tal-baħar interni u fl-ibħra territorjali Kroati, votanti miżmuma f’faċilitajiet ta’ kura soċjali u priġunieri, huma meħtieġa jivvutaw f’postijiet tal-votazzjoni speċjali.

Rekwiżiti tal-jum tal-votazzjoni

Il-votanti għandhom iġibu magħhom jew il-karta tal-identità jew tal-vot fil-post tal-votazzjoni. L-istess rekwiżiti japplikaw kemm għal ċittadini u ċittadini tal-UE mobbli.

Min jista’ jivvota?

Ġenerali

Individwu għandu jissodisfa r-rekwiżiti li ġejjin sabiex jivvota fl-elezzjonijiet tal-PE fil-Kroazja:

ikun ċittadin Kroat jew ċittadin ta’ Stat Membru ieħor tal-UE;

ikollu mill-anqas 18 –il sena;

ma jkunx eskluż milli jivvota.

Ċittadini mobbli tal-UE

Ċittadini tal-UE għandu jkollhom residenza permanenti jew temporanja fil-Kroazja.

Rekwiżiti għar-reġistrazzjoni

Rekwiżiti ta’ reġistrazzjoni.

Ċittadini. Il-votanti m’għandhomx għalfejn jirreġistraw minn qabel, għax dan isir awtomatikament mill-awtoritajiet.

Kroati li joqogħdu jew li jgħixu barra jistgħu jivvutaw f’missjonijiet diplomatiċi u konsulari tar-Repubblika tal-Kroazja barra. Biex jagħmlu dan, iridu japplikaw għal reġistrazzjoni attiva (https://gov.hr/en/voting-abroad/1566). Fil-każ li joqogħdu barra u jkollhom karta tal-identità elettronika, awtomatikament jiġu reġistrati u mdaħħla fir-reġistru elettorali barra mill-pajjiż għall-elezzjonijiet li ġejjin.

Ċittadini tal-UE mobbli. Ċittadini tal-UE jridu jirreġistraw biex jivvutaw billi jissottomettu applikazzjoni għad-dħul fir-reġistru elettorali mhux aktar tard minn 30 jum qabel il-ġurnata tal-elezzjoni lill-awtorità amministrattiva lokali fil-post tar-residenza tagħhom fil-Kroazja,. Bħala parti mir-reġistrazzjoni għandhom jiddikjaraw li se jeżerċitaw id-dritt tal-vot tagħhom biss fil-Kroazja u li ma ġewx imċaħħda mid-drittijiet tal-vot f’pajjiżhom.

Ċittadini tal-UE jirreġistraw fir-reġistru elettorali għal kull elezzjoni tal-PE fil-Kroazja, hekk kif id-dettalji tagħhom jiġu mħassra mir-reġistru elettorali wara li jkunu saru l-elezzjonijiet.

Esklużjonijiet

Kroati u ċittadini tal-UE mobbli li kienu miċħuda mid-dritt tal-vot fil-pajjiż ta’ oriġini tagħhom ma jistgħux jivvutaw fl-elezzjonijiet tal-PE fil-Kroazja.