Sit web uffiċjali (Link)
Fejn għandek tivvota u kif?
Metodu ewlieni
Iċ-ċittadini Maltin u ċ- ċittadini mobbli tal-UE jridu jivvutaw fiżikament fil-post tal-votazzjoni indikat fuq il-karta tal-vot tagħhom.
Metodi alternattivi
Il-votazzjoni online jew bi prokura mhijiex possibbli f’Malta.
Rekwiżiti tal-jum tal-votazzjoni
Il- votant huwa meħtieġ iġib il-karta tal-vot mqassma qabel id-data tal-elezzjoni mill-pulizija u dokument tal-identità validu maħruġ mill-awtoritajiet Maltin, jiġifieri karta tal-identità għaċ-ċittadini Maltin jew karta ta’ residenza għaċ- ċittadini mobbli tal-UE.
Min jista’ jivvota?
Ġenerali.
L-individwi jridu jissodisfaw ir-rekwiżiti li ġejjin biex jivvutaw fl-elezzjonijiet tal-PE f’Malta:
ikunu ċittadini Maltin jew ċittadini ta’ Stat Membru ieħor tal- UE;
ikollhom mill-inqas 16-il sena qabel il-jum tal-elezzjoni; u
ma jkunux instabu ħatja ta’ xi reat marbut mal-elezzjonijiet tal-Kamra tar-Rappreżentanti, il-kunsilli lokali jew il-PE f’Malta.
Ċittadini mobbli tal-UE
Iċ-ċittadini tal-UE jridu jkunu residenti f’Malta sabiex jeżerċitaw id-dritt tagħhom li jivvutaw hemm.
Rekwiżiti għar-reġistrazzjoni
Ċittadini nazzjonali. Iċ-ċittadini Maltin huma rreġistrati awtomatikament fir-Reġistru tal-Elezzjonijiet Ġenerali.
Malta ma tagħtix liċ-ċittadini tagħha li jgħixu barra mill-pajjiż il-possibilità li jivvutaw fl-elezzjonijiet tal-PE minn barra l- pajjiż.
Ċittadini mobbli tal-UE. Iċ-ċittadini mobbli tal-UE jridu jirreġistraw bħala votanti biex jidhru fir-reġistru separat għaċ- ċittadini tal-UE mhux Maltin li jgħixu f’Malta u li għażlu li jivvutaw f’Malta għall-elezzjonijiet tal-PE. Il-formola ta’ applikazzjoni li trid tiġi rreġistrata hija disponibbli online iżda trid tintbagħat bil-posta jew titwassal fiżikament lil uffiċċju kompetenti (https://electoral.gov.mt/Media/Default/Documents/
DOWNLOADS/ApplicationForms/MEPForm-3.pdf). Iċ-
ċittadini mobbli tal-UE li japplikaw għal karta ta’ residenza
jew karta tal-identità f’Malta japplikaw awtomatikament biex jiġu rreġistrati bħala votanti fil-formoli rilevanti, sakemm ma jagħżlux li ma jipparteċipawx.
Esklużjonijiet
Iċ-ċittadini Maltin li ġew imċaħħda mid-drittijiet tal-vot tagħhom u ċ-ċittadini mobbli tal-UE li ġew imċaħħda mid- drittijiet tal-vot tagħhom f’Malta jew fl-Istat Membru ta’ oriġini tagħhom ma jistgħux jivvutaw fl-elezzjonijiet tal-PE f’Malta.
