an Iodáil

Suíomh gréasáin oifigiúil (Link)

Cén áit agus conas vótáil a dhéanamh?

Príomh-Mhodh.

Is féidir le vótálaithe a vóta a chaitheamh i bpearsa ag an stáisiún vótaíochta a fhreagraíonn dá seoladh cláraithe agus atá léirithe ar an gcárta vótála.

Modhanna eile.

Féadfaidh vótálaithe a d’aistrigh go sealadach chuig bardas eile ar dualgas náisiúnta (m.sh. baill den arm, de phóilíní nó den bhriogáid dóiteáin) iarratas a dhéanamh ar vótáil sa bhardas sin. Tá tacaíocht ar fáil freisin do vótálaithe faoi mhíchumas. Féadfaidh siad cúnamh a iarraidh ar dhuine eile agus iad ag caitheamh a vóta ag an stáisiún vótaíochta. Ar leithligh, féadfaidh vótálaithe atá faoi mhíchumas agus go bhfuil sé dodhéanta dóibh a sainchónaí a fhágáil vótáil a chaitheamh óna dteach. Tá rialacha sonracha ann freisin a ligeann do dhaoine atá ina gcónaí in ospidéal nó i dteach altranais rogha a dhéanamh vótáil ag na láithreacha seo. Ina theannta sin, féadfaidh daoine atá i bpríosún clárú chun vótáil as an bpríosún. I ngach cás, ní mór do vótálaithe iarratas a dhéanamh chuig an mbardas faoi spriocdháta sonraithe (nár socraíodh fós).

Ní féidir vótáil ar líne. Ní féidir vótáil trí sheachvótálaí.

Riachtanais i leith lá na vótaíochta.

Sula gcuirtear tús leis an vótáil, féadfaidh comhalta den choiste toghcháin iarraidh ar vótálaithe a gcárta vótála agus a gcárta aitheantais a thíolacadh chun céannacht an vótálaí a shuíomh.

Cé atá i dteideal vótáil?

Ginearálta.

Ní mór do dhuine aonair na ceanglais seo a leanas a chomhlíonadh chun vótáil i dtoghcháin PE san Iodáil:

a bheith ina náisiúnach Iodálach nó ina shaoránach de Bhallstát AE eile;

a bheith 18 mbliana d’aois ar a laghad ar lá na vótála; agus

gan a bheith eisiata ón gceart vótála.

Saoránaigh Taistil an AE

Ní mór do shaoránaigh an AE a bheith ina gcónaí san Iodáil chun vótáil ann.

Ceanglais chlárúcháin

Náisiúnaigh. Tá clárú vótálaithe ar an rolla toghthóirí uathoibríoch do shaoránaigh na hIodáile. I gcás go n-athraítear seoladh, déanfar an rolla toghthóirí a nuashonrú go huathoibríoch, cé go bhfuil sé inmholta do vótálaithe stádas an nuashonraithe a sheiceáil nuair a bhíonn toghcháin ag teacht suas agus nach bhfuil an cárta vótála nua seolta go fóill.

Féadfaidh náisiúnaigh Iodálacha a bhfuil cónaí orthu thar lear vótáil ag consalacht na hIodáile ina dtír chónaithe. De rogha air sin, féadfaidh siad a roghnú filleadh abhaile chun a vóta a chaitheamh sa bhardas ar a bhfuil siad cláraithe. Chun é sin a dhéanamh, ní mór do náisiúnaigh Iodálacha a bheith cláraithe i gclár na nIodálach a bhfuil cónaí orthu thar lear (AIRE) agus ní mór dóibh iarratas a chur isteach chuig consalacht Iodálach a dtíre cónaithe faoi spriocdháta sonraithe (nár socraíodh fós).

Saoránaigh Taistil an AE. Ní mór do shaoránaigh an AE clárú le vótáil san Iodáil 90 lá ar a laghad roimh lá an toghcháin. Beidh ar shaoránaigh an AE iarraidh a chur faoi bhráid mhéara an bhardas ina bhfuil cónaí orthu, le go n- áireofar iad ar an rolla toghchánaíochta. Mar chuid dá n- iarratas, ní mór do shaoránaigh an AE dearbhú i scríbhinn a thíolacadh lena dheimhniú nach vótálfaidh siad ina mBallstát baile

Eisiaimh

Saoránaigh Iodálacha ar baineadh a gcearta vótála díobh agus saoránaigh taistil an AE ar baineadh a gcearta vótála díobh san Iodáil nó ina mBallstát baile, ní féidir leo vótáil i dtoghcháin Pharlaimint na hEorpa san Iodáil.