In-Netherlands

Sit web uffiċjali (Link)

Fejn għandek tivvota u kif?

Metodu ewlieni

Il-votanti fin- Netherlands jistgħu jitfgħu l-vot tagħhom personalment fil-post tal- votazzjoni tal-għażla tagħhom ikun fejn ikun fin-Netherlands.

Metodi alternattivi

Il-votanti fin- Netherlands jistgħu jivvutaw ukoll bi prokura billi jagħtu l-prokura tagħhom lil votant ieħor u b’hekk jawtorizzawh(a) biex jivvota/tivvota f’isimhom. Biex jawtorizza persuna oħra tivvota bi prokura f’ismu, il-votant irid jew jimla’ n-naħa ta’ wara tal-karta tal-votazzjoni tiegħu (“stempas”) jew iressaq formola ta’ awtorizzazzjoni separata (il-mudell L8). Il-formola ta’ awtorizzazzjoni trid titressaq quddiem il-muniċipalità tal-votant mhux aktar tard minn ħamest ijiem qabel l- elezzjoni. Il-votazzjoni online mhijiex possibbli fin-Netherlands.

Rekwiżiti tal-jum tal-votazzjoni

Il- votanti fin-Netherlands jeħtieġ li jippreżentaw il-karta tal-identità tagħhom u karta tal-votazzjoni (“stempas”). Japplikaw l-istess rekwiżiti kemm għal ċittadini tan-Netherlands kif ukoll għal ċittadini mobbli tal-UE.

Min jista’ jivvota?

Ġenerali.

Individwu jrid jissodisfa r-rekwiżiti li ġejjin biex jivvota fl-elezzjonijiet tal-PE fin-Netherlands:

ikollu ċittadinanza Olandiża jew ikun ċittadin ta’ Stat Membru tal-UE ieħor;

ikollu mill-inqas 18-il sena; u

ma jkunx eskluż milli jivvota.

Ċittadini mobbli tal-UE

Iċ-ċittadini tal-UE jridu jkollhom ir- residenza tagħhom fin-Netherlands biex ikunu jistgħu jivvutaw hemmhekk.

Rekwiżiti għar-reġistrazzjoni

Ċittadini. Iċ-ċittadini Olandiżi ma jeħtiġux jirreġistraw, sakemm ma jkunux qed jgħixu barra mill-pajjiż u jkunu jixtiequ jivvutaw fin-Netherlands.

Ċittadini Olandiżi li jgħixu barra mill-pajjiż iżda li jixtiqeu jivvutaw fl-elezzjonijiet fin-Netherlands jeħtiġilhom jagħmlu reġistrazzjoni ta’ darba bħala votant Olandiż li jgħix barra mal-muniċipalità ta’ Den Haag (The Hague). Dan ser jippermettilhom jivvutaw bil-posta, bi prokura jew personalment bl-użu ta’ permess tal-votant (“kiezerspas”) jekk ikunu jinsabu preżenti fin-Netherlands dakinhar tal- elezzjoni. Il-votanti Olandiżi li jkunu jinsabu temporanjament barra mill-pajjiż jistgħu jivvutaw biss bi prokura.

Ċittadini mobbli tal-UE. Ċittadini mobbli tal-UE jridu jirreġistraw biex jivvutaw qabel it-23 ta’ April 2024 billi jimlew il-formola Y-32 biex jivvutaw fl-elezzjonijiet tal-PE. Din hija reġistrazzjoni ta’ darba li trid titressaq quddiem il- muniċipalità fejn il-votant għandu r-residenza tiegħu. Fuq il- formola Y-32, il-votant irid jiddikara li mhux ser jivvota fl- elezzjonijiet tal-PE fl-ebda Stat Membru tal-UE ieħor.

Esklużjonijiet

Iċ-ċittadini Olandiżi u ċ-ċittadini mobbli tal-UE li huma esklużi milli jivvutaw permezz ta’ deċiżjoni ġudizzjarja mhumiex permessi li jivvutaw fin-Netherlands.