l-Italja

Sit web uffiċjali (Link)

Fejn għandek tivvota u kif?

Metodu ewlieni

Il-votanti jistgħu jivvutaw fiżikament fil-post tal- votazzjoni li jikkorrispondi għall- indirizz irreġistrat tagħhom u indikat fuq il-karta tal-vot.

Metodi alternattivi.

Il-votanti li rrilokaw temporanjament f’muniċipalità oħra minħabba dmir nazzjonali (eż. membri tal-brigata militari, tal-pulizija jew tat-tifi tan-nar) jistgħu japplikaw biex jivvutaw f’dik il-muniċipalità.

Huwa disponibbli wkoll appoġġ għall- votanti b’diżabilità. Jistgħu jitolbu l- assistenza ta’ persuna oħra meta jivvutaw fil-post tal-votazzjoni. Separatament, il-votanti li għandhom diżabilità li tagħmilha impossibbli għalihom li jitilqu mid-domiċilju tagħhom jistgħu jitolbu li jivvutaw minn darhom. Hemm ukoll regoli speċifiċi li jippermettu lin-nies li jgħixu fi sptar jew f’dar tal-kura jagħżlu li jivvutaw f’dawn il-postijiet. Barra minn hekk, il-persuni li jinsabu l-ħabs jistgħu jirreġistraw biex jivvutaw mill-ħabs. Fil-każijiet kollha, il-votanti jridu japplikaw għall- muniċipalità sa skadenza speċifikata (li għadha ma ġietx iddeterminata). Mhuwiex possibbli li tivvota online. Mhuwiex possibbli li tivvota bi prokura.

Rekwiżiti tal-jum tal-votazzjoni

Qabel ma tibda l-votazzjoni, membru tal- kumitat elettorali jista’ jitlob lill-votanti jippreżentaw il-karta tal-vot u l-karta tal-identitàtagħhomsabiextiġi stabbilita l-identità tal-votant.

Min jista’ jivvota?

Ġenerali.

L-individwi jridu jissodisfaw ir-rekwiżiti li ġejjin biex jivvutaw fl-elezzjonijiet tal-PE fl-Italja:

ikunu ċittadini Taljani jew ċittadini ta’ Stat Membru ieħor tal-UE;

ikollhom mill-inqas 18-il sena fil-jum tal-votazzjoni; u

ma jkunux esklużi mid-dritt tal-vot.

Ċittadini mobbli tal-UE

Iċ-ċittadini tal-UE jridu jkunu residenti fl-Italja sabiex jivvutaw hemm.

Rekwiżiti għar-reġistrazzjoni

Ċittadini nazzjonali. Ir-reġistrazzjoni tal-votanti fir-reġistru elettorali hija awtomatika għaċ-ċittadini Taljani. Fil-każ ta’ bidla fl-indirizz, ir-reġistru elettorali jiġi aġġornat awtomatikament, għalkemm huwa rakkomandat li l-votanti jivverifikaw l-istatus tal-aġġornament meta jkunu se jsiru l- elezzjonijiet u l-karta tal-vot l-ġdida tkun għadha ma twasslitx.

Iċ-ċittadini Taljani li jirrisjedu barra mill-pajjiż jistgħu jivvutaw fil-konsulat Taljan tal-pajjiż ta’ residenza tagħhom. Alternattivament, jistgħu jagħżlu li jmorru lura d-dar biex jivvutaw fil-muniċipalità fejn huma rreġistrati fir-reġistru elettorali. Sabiex jagħmlu dan, iċ-ċittadini Taljani jridu jkunu rreġistrati fir-reġistru tat-Taljani li jirrisjedu barra mill-pajjiż (AIRE) u jridu jissottomettu applikazzjoni lill-konsulat Taljan tal-pajjiż ta’ residenza tagħhom sa skadenza speċifikata (li għadha ma ġietx iddeterminata).

Ċittadini mobbli tal-UE. Iċ-ċittadini tal-UE jeħtieġ li jirreġistraw biex jivvutaw fl-Italja mill-inqas 90 jum qabel il- jum tal-elezzjoni. Biex jiġu inklużi fir-reġistru elettorali, iċ- ċittadini tal-UE huma meħtieġa jippreżentaw talba lis-sindku tal-muniċipalità fejn jirrisjedu. Bħala parti mit-talba tagħhom, iċ-ċittadini tal-UE jridu jippreżentaw dikjarazzjoni bil-miktub biex jikkonfermaw li mhumiex se jivvutaw fl-Istat Membru ta’ oriġini tagħhom.

Esklużjonijiet

Iċ-ċittadini Taljani li ġew imċaħħda mid-drittijiet tal-vot tagħhom u ċ-ċittadini mobbli tal-UE li ġew imċaħħda mid- drittijiet tal-vot tagħhom fl-Italja jew fl-Istat Membru ta’ oriġini tagħhom ma jistgħux jivvutaw fl-elezzjonijiet tal-PE fl-Italja.